လမ်းခွဲ

 

ပြီးဆုံးသွားတဲ့လမ်းတစ်ခု

ချုပ်ငြိမ်းသွားတဲ့ လိုအင်ရမ္မက်

အနိစ္စသစ်ပင်တွေနဲ့ ကြွေလွင့်ပြီးသော သစ်ရွက်များ

ဖြတ်ခနဲ အတွင်းမှာ

နေမင်းကြီးကို မျက်ကွယ်ပြုခဲ့ရ။

Read More...

အတွေး

ညကလည်း နက်သထက်နက်လာသလို
တစ်ရိပ်ရိပ် တက်လာပြန်တယ်။

အတွေးသီတယ်ဆိုပါစို့...
အပြုံးတစ်ခုလည်းဖြစ်တယ်
အကြည့်တစ်ခုလည်းဖြစ်တယ်
အဲ့ဒါ...
ကဗျာတစ်ပုဒ်လည်းဖြစ်တယ်
ဒါဟာ
အိပ်မက်တစ်ခုအတွက်
လှုပ်နှိုးလိုက်တဲ့ ပြယုဂ်တစ်ခုပါပဲ။

မခမ်းနားဖူးသေးတဲ့ ရာသီတစ်ခုမှာ
ဖမ်းစားမှုတစ်ချို့နဲ့
ရှင်သန် ပေါက်ဖွားလာခြင်းဟာ
အပြစ်တစ်ခု ဖြစ်နေသလိုလို။

မျက်လုံးလေး မှိတ်လိုက်မိပြန်ပြီ
ပင့်သက်ရှည်ကလည်း ချလိုက်ပြန်ပြီ
ဟော...
စကားလုံးတွေပါလာတယ်
စည်းချက်မကျ တကျ
မျှော်လင့်ချက်ကတော့
တစ်လှပ်လှပ်နဲ့ပေါ့လေ။

လင်းဦး(စိတ်ပညာ)

Read More...

ခရီး

အချိန်တွေက တရွေ့ရွေ့နဲ့
ဖြတ်သန်းကုန်လွန်လာတော့
ပျံသန်းလာတဲ့ မိုင်တိုင် ပြန်ကြည့်
ငါဆိုတာ ဒဏ်ရာခရီးနှင်နေခဲ့ပါလားပေါ့။

ရယ်မောပြစ်လိုက်ရမလား
အော် ဟစ်ထုတ်ပြလိုက်ရမလား
အတွေးတွေးတွေနဲ့ ဝေမှိုင်း
သြော်...လောက သင်ဆိုသည်မှာ
နက်ဖြန်ဆိုတဲ့ ဖိတ်ခေါ်မှုနှင့်အတူ
အတ္တလက်နက်ကိုယ်စီနဲ့
ငါ့ကို
အသေသတ်ဖို့ စောင့်ကြိုနေလေရဲ့။
 လင်းဦး(စိတ်ပညာ)
၄-၉-၂၀၁၉

Read More...

တွင်း​ထွက်

ဒဏ်ရာဆိုတာ
တွင်း​ထွက်မှမဟုတ်တာ။

ဒါ​ပေမယ့်​....
​ပေး​သူရှိတိုင်း​ ရတယ်​လေ။

လင်း​ဦး​(စိတ်ပညာ)
၁-၁၂-၂၀၁၅

Read More...

ရည်း​စား​

ကိုယ့်​ထက်ငယ်ရင်
ကိုယ့်​ထက် လည်လိမ့်​မယ်။

ကိုယ့်​ထက်ကြီး​ရင်
ကိုယ့်​ကို ဖြီး​လိမ့်​မယ်။

ကိုယ်နဲ့​ရွယ်တူဆိုရင်
ကိုယ့်​အပြင် ကျူကျူလုပ်လိမ့်​မယ်။

လင်း​ဦး​(စိတ်ပညာ)

Read More...

​ခေါင်း​စား​

ကိုင်ဇာကြိုက်တယ်၊​
ထီး​ဆိုင်ကြိုက်တယ်၊​
ထူး​အိမ်သင်ကြိုက်တယ်၊​

ဒီ​ခေတ်မှာ​တော့​
အချို့​များ​
​ညောင်နာနာ ဩတတအသံ​တွေနဲ့​
မရိုး​တဲ့​ ​ကျောရိုး​သီချင်း​တွေ ​ရေး​ဆိုတတ်တာ​လောက်များ​
ခိုက်ခိုက်တုန်​နေကြတယ်။

ဘာ​တွေကြည့်​ကြိုက်
ဘာ​တွေကြည့်​ခိုက်
​ခေတ်ထဲက ​ခေတ်
​ခေတ်ထဲမှာမှ ဒီလိုအသံ
​ခေါင်း​စား​ရမယ့်​ အ​ကြောင်း​ထဲ
အဲ့​ဒါလည်း​ ပါတယ်။

လင်း​ဦး​(စိတ်ပညာ)

Read More...

​ငွေ

ညီမ​လေး​က…..
ဗိုက်ဆာသတဲ့​လား​၊​
အစ်ကို့​မှာ
​ခေါက်ဆွဲ​ခြောက်နဲ့​ ​ကော်ဖီထုပ်​တော့​ရှိတယ်။

ညီမ​လေး​က….
ဝမ်း​သာသတဲ့​လား​၊​
အစ်ကို့​မှာ
ဂ​ယောင်ဂယက်နဲ့​
​ယောင်​တောင်​တောင်လမ်း​ထဲ ​ရောက်​နေပြီ။

ဟိုး​ဆရာ
ကား​ခမပါလို့​
ကျွန်​တော်ကို အခမဲ့​ စီး​ခွင့်​ပေး​ပါ။

လင်း​ဦး​(စိတ်ပညာ)

Read More...

ငို

ငိုတယ်ဆိုတာ
​လောကကြီး​ကို အရှုံး​ပေး​တာတဲ့​....။

တကယ်​တော့​
ဝမ်း​နည်း​စရာရှိတာ ဝမ်း​နည်း​
ငိုစရာရှိတယ်ဆိုတာ ငို
အဲ့​ဒါ.....
ခံစား​တတ်သူတိုင်း​ရဲ့​
ပြယုဂ်တစ်ခုပဲ။

လင်း​ဦး​(စိတ်ပညာ)

Read More...

ကျိန်စာ

​ကောင်မ​လေး​ရေ......
ဒီလိုနဲ့​ပဲ
အတ္တကိုယ်စီထမ်း​ပိုး​ရင်း​
တစ်ညပြီး​ တစ်ညကုန်
​မျှော်လင့်​ချက်​တွေနဲ့​ ​ဝေး​သထက် ​ဝေး​သွား​ရင်း​
မနက်ဖြန်​တွေအတွက်
မဖြစ်နိုင်​တော့​တဲ့​ အ​ခြေအ​နေမျိုး​မှာ
အလွမ်း​တွေနဲ့​ နိုး​ထ​နေရတဲ့​
အသက်ရှု​နေရတာကိုက
ကျိန်စာသင့်​နေသလိုမျိုး​....။

လင်း​ဦး​(စိတ်ပညာ)

Read More...

​မျှော်လင့်​မှု

ကျွန်​တော်က မျက်လှည့်​ဆရာ တစ်​ယောက်ပါ။
လွန်ခဲ့​တဲ့​ (၆)လ​လောက်က
အမျိုး​သမီး​တစ်​ယောက်ကို ​ဖျောက်ပြလိုက်တာ
ဒီ​နေ့​ထိ ပြန်​ခေါ်မရ​တော့​ဘူး​။
သတိတရနဲ့​ ​မျှော်လင့်​မှုဆိုတာ အဲ့​ဒါပါပဲ။

ကျွန်​တော် မျက်လှည့်​ဆရာတစ်​ယောက်ပါ။

လင်း​ဦး​(စိတ်ပညာ)

Read More...

အမှန်တရား​

စိတ်မ​ကောင်း​ဖြစ်ရုံကလွဲ၍
မင်း​ဆီ ဒူး​ထောက်ပြီး​ လာမှာမဟုတ်ဘူး​။

​ပြေလည်မှု ငြိမ်း​ချမ်း​ရေး​ဆိုတာ
​အောက်ကျို့​စရာမလိုတဲ့​
နား​လည်မှုတစ်ခုပဲ။

ငါမမှား​ဘူး​ ဆိုတဲ့​ အတ္တ
ကိုင်ဆွဲထား​တယ်ဆိုရင်​တောင်
အမှန်တရား​အတွက်ပဲ ဖြစ်မှာပါ။

လင်း​ဦး​(စိတ်ပညာ)

Read More...

ကဗျာ

ဖြစ်သင့်​လို့​ ဖြစ်ကြတဲ့​ ဘဝမှာ
ဘာမှ ထပ်​မျှော်လင့်​စရာ မလိုပါဘူး​။

​ငေး​သင့်​လို့​ ​ငေး​ကြည့်​မိတဲ့​ သူ့​အလှမှာ
ဘာဆိုဘာမှ ​ဝေခွဲစရာမလိုဘူး​။

​ဝေး​သင့်​လို့​ ​ဝေး​ကြတဲ့​ အချိန်မှာ
ဘာမုန်း​တီး​မှုမှ ထပ်ထည့်​စရာမလိုပါဘူး​။

​ရေး​ချင်လို့​ ​ရေး​ဖြစ်တဲ့​ ကဗျာမှာ
ဘာလိမ်ညာမှုမှ ထည့်​ခံစား​မှာမဟုတ်​တော့​ဘူး​။

လင်း​ဦး​(စိတ်ပညာ)
၁၇.၂.၂၀၁၄

Read More...

ဘဝ သင်္ချာ....အချစ် ရင်နာ

ကျွန်​တော် ရူပ​ဗေဒမှာ ​တော်ခဲ့​တယ်
ဒါ​ပေမယ့်​ သင်္ချာကို လုံး​ဝစိတ်မဝင်စား​ခဲ့​....

ကျွန်​တော် ​လော့​ဂျစ်ကို သ​ဘောကျတယ်...
စိတ်ပညာကို ​လေ့​လာတယ်.....။

ဘဝမှာ
အသုံး​ချဝမ်း​ကြောင်း​နေရတာက
နည်း​ပညာဆိုတဲ့​ အဆုံး​မရှိတဲ့​ ​ရေပြင်ကို
ကူး​ရင်း​နဲ့​
အိပ်မက်​တွေကို ​ပျော်​ပျော်ကြီး​ မက်ရင်း​ပေါ့​။

လူဖြစ်လာရင်
ပတ်သက်လာရတဲ့​
အချစ်၊​ အမုန်း​ ဆိုတာ​တွေက
ဘဝဆိုတဲ့​ ​ဝေါဟာရ​ပေါ်
သင်္ချာပုစ္ဆာ ကိန်း​ဂဏန်း​တွေနဲ့​
ယှဉ်ထိုး​ တွက်ပြခံရတာ ခဏခဏ။

ကျွန်​တော်က
သင်္ချာကို မပစ်ပယ်ခဲ့​ဖူး​ပါဘူး​....
စိတ်မဝင်စား​တဲ့​ ဘာသာရပ်တစ်ခုအ​နေနဲ့​ပဲ
မြင်ခဲ့​ရုံပါ။

ကျွန်​တော့်​အတွက်
အချစ်က သင်္ချာ
ရင်ဆိုင်ရတာက ရင်နာနာ...
​ဟောဒီ ညကမ္ဘာမှာ
လကမသာပါဘူး​ပေါ့​။

ဒီ​တော့​......
ကျွန်​တော်
သင်္ချာပုစ္ဆာ​တွေ
အ​ဖြေညှိကြည့်​ဦး​မယ်

​ပေါင်း​စပ်ခြင်း​သီအိုရီမှာ
အချစ်ကို ထည့်​မတွက်ခဲ့​တိုင်း​
အဲ့​ဒါ ဘဝလား​။

အချစ်ကိုရင်း​လို့​
​မောင်နှံဘဝတစ်ခုမကြွင်း​ရင်
ရှံုး​နိမ့်​ခြင်း​သီအိုရီ ဖြစ်​ရောလား​။

အချိန်နာရီ​တွေနဲ့​
သတိရခြင်း​တွေ​မြောက်တိုင်း​
အလွမ်း​သီအိုရီဖြစ်တာမှန်သလား​။

အလွမ်း​သီအိုရီမှာ
သစ္စာ​တွေ ထပ်ထပ်​ပေါင်း​ရက်နဲ့​
နှစ်ကိုယ်တူ နီး​စပ်မှုရလဒ်မထွက်ရင်
ရက်စက်မှုမည်​ရောလား​။

ကျွန်​တော်
သင်္ချာစိတ်မဝင်စား​ခဲ့​ပါဘူး​
ဒါ​ပေမယ့်​.....
စိတ်ဝင်စား​တဲ့​အရာ​တွေကို​တော့​
သင်္ချာနဲ့​ပဲ အ​ဖြေရှာ​နေရတာ ကြံုရတယ်။

မိတ်​ဆွေ
အချစ်က
ရင်နာ​စေတယ်လို့​ အမည်သွင်သလား​
"ဘဝသင်္ချာ"လို့​ ​ခေါ်သလား​။

လင်း​ဦး​(စိတ်ပညာ)
၁၀-၁၂-၂၀၁၃ (ည ၁ဝး​၃၀)

Read More...

လက်ကျန်

 ကိုယ့်​အမှား​ကို ကိုယ်ဝန်မခံသ​ရွေ့​
ငါနဲ့​ လာမပတ်သက်နဲ့​.....။

ကိုယ့်​အတ္တကို ကိုယ်ပြန်မမြင်​သေး​သ​ရွေ့​
ငါ့​လက်ကို လာမတွဲနဲ့​.....။

ဟိုကူး​ချ ဒီကူး​ချ ပညာ​ပေး​စာ​တွေတင်ပြီး​
ကိုယ်တိုင်တစ်ခုမှ မလိုက်နာနိုင်သ​ရွေ့​
ငါ့​ဘဝဒဿနထဲ ဝင်မလာနဲ့​။

သူများ​ကိုပဲ လက်ညိုး​ထိုး​ထိုး​နေတဲ့​လက်
ကိုယ့်​ဘာသာ ပြန်လက်ညှိုး​ထိုး​နိုင်တဲ့​နေ့​ကျမှ
ငါ့​သံ​ယောဇဉ်ကို လက်ညိုး​ထိုး​လှည့်​။

တလံတလျား​
ရာဇသံ​ပေး​စရာမလို
ကိုယ့်​အသိနဲ့​ ကိုယ်သိ
ဒါ.... မင်း​အတွက်......
​နောက်ဆုံး​ရေး​တဲ့​
ငါ့​ရဲ့​................
သံ​ယောဇဉ် လက်ကျန်ကဗျာပဲ။

လင်း​ဦး​(စိတ်ပညာ)

Read More...

ကဗျာ

ဝန်း​ကျင်က ရိုက်ခတ်တဲ့​အခါ
ထိခတ်ခံစား​ချက်အဖြစ်
"ကဗျာ" ဆိုတာထွက်ကျလာတယ်။

ကဗျာ​တွေကလည်း​
အဲ့​ဝန်း​ကျင်ကို
နှိုး​ဆွရိုက်ခတ် ခံစား​စေတယ်။

ဒီမှာ မိတ်​ဆွေ......
ကဗျာဆိုတာ
ခံစား​ချက်ကိုအရင်း​ပြု
​ခေတ်ကိုလည်း​ ကိုယ်စား​ပြုတယ်။

ကဗျာ​ရေး​သူ​တွေ
တာဝန်​ကျေကြပါ​စေ။
ကဗျာဖတ်သူ​တွေလည်း​
ခံစား​နား​လည် နိုး​ကြား​ကြပါ​စေ။

အဲဒါ ကဗျာပဲ။

လင်း​ဦး​(စိတ်ပညာ)

Read More...

အရှုံး​ = အငတ်

တကယ်ချစ်ရင် ရှုံး​တာပဲတဲ့​
ဒါဆို အချစ်ငတ်သူက
အရှုံး​ငတ်တာ​ပေါ့​
အချစ်​တောင်း​ဆိုသူက
အရှုံး​​ကို ​တောင်း​ဆိုတာပဲ​ပေါ့​။

ဒါဆို
အရှုံး​​နဲ့​ရင်ဆိုင်ရ​တော့​
လိုအင်မပြည့်​ဘဲ ဘာလို့​ အချစ်ကို ငတ်ပြန်ကြသလဲ။

အဲ့​လို
ငတ်လိုက် ရှုံး​​လိုက်နဲ့​
​နောက်ဆုံး​ ရူး​သွား​တော့​တာပဲ။

အခု​လော​လောဆယ်
ကျွန်​တော် ရူး​နေတယ်
--------------
--------------
အချစ်ငတ်လို့​လေ။

လင်း​ဦး​(စိတ်ပညာ)

Read More...

ချစ်စုန်း​

မိန်း​မတစ်​ယောက်ကိုချစ်တာ
နတ်ဘုရား​တစ်ပါး​လို
ကိုး​ကွယ်ထား​ဖို့​မဟုတ်ဘူး​။
ယမင်း​ရုပ်လို
အလှကြည့်​ဖို့​လဲမဟုတ်ဘူး​။

"ချစ်ချင်လို့​ကို ချစ်တာ"

​နောက်​တော့​လည်း​
စုန်း​မ တစ်​ယောက်လို
ရှိသမျှအတတ် အကုန်သုံး​ပြီး​
ချည်​နှောင် လှည့်​စား​သွား​တယ်။

အဲ့​ဒါ "ချစ်စုန်း​"လို့​ ​ခေါ်တယ်။

လင်း​ဦး​(စိတ်ပညာ)

Read More...

လက်ပံ

ဒီ​နေ့​
လက်ပံနဲ့​ ​တွေ့​ခဲ့​တယ်။

တစ်ချိန်လုံး​
မုန်း​တီး​မှု​တွေနဲ့​
မြင်ကွင်း​တွေ နီနီရဲလို့​။

အိမ်ပြန်ချိန်ကျမှပဲ
အပြံုး​တစ်ချက်​တွေ့​လိုက်တယ်
​ဝေ့​ကနဲပဲ။

လင်း​ဦး​(စိတ်ပညာ)

Read More...

အ​တွေ့​

မင်း​လည်း​ လူပဲ
​သွေး​နဲ့​ကိုယ် သား​နဲ့​ကိုယ်
ငါလည်း​ လူပဲ
​သွေး​နဲ့​ကိုယ် သား​နဲ့​ကိုယ်

အ​တွေ့​အထိ အသာမဖုံး​တော့​
အ​မှောင်​ချောက်ကမ်း​ပါး​ထဲ ​စေရာတိုး​ခဲ့​
ရလဒ်က ​ဝေဒနာဆိုး​ဘွဲ့​
"AIDS"

လင်း​ဦး​(စိတ်ပညာ)

Read More...

သီအိုရီ​တွေရဲ့​ ပြင်ပကလူ

တကယ်​တော့​
အချစ်ရဲ့​
ဒဏ်ရာဆိုတာ....
အဲ့​လောက်
လတ်ဆတ်​နေဖို့​ မ​ကောင်း​ဘူး​။

တကယ်​တော့​
​ဝေဒနာဆိုတာ
အဲ့​လောက်
တ​မြေ့​မြေ့​ ကျွမ်း​လောင်မ​နေသင့်​ဘူး​။

တကယ်​တော့​
​တွေ့​ဆုံခြင်း​ဆိုတာ
အဆုံး​သတ်မ​ကောင်း​ခြင်း​ရဲ့​နိဒါန်း​
မဖြစ်သင့်​ဘူး​။

တကယ်​တော့​
စာနာတတ်ခြင်း​ဆိုတာ
ဘာမှမရှိတဲ့​လူတစ်​ယောက်ကို
ဒဏ်ရာ​တွေ လှူဒါန်း​ပေး​ဖို့​မဟုတ်ဘူး​။

တကယ်​တော့​
နား​လည်မှုဆိုတာ
အဖြည့်​ခံသက်သက်
ထိုး​ကျွေး​လိုက်ရခြင်း​ကို ​ခေါ်တာမဟုတ်ဘူး​။

တကယ်​တော့​
သီအိုရီ​တွေရဲ့​ ပြင်ပက
ဥ​ပေက္ခာပြုခံရတဲ့​ လူတစ်​ယောက်
အဲ့​ဒီလူ.................. ငါပဲ။

လင်း​ဦး​(စိတ်ပညာ)

Read More...